Кыргызстан маяна боюнча дүйнөлүк рейтингде 132-орунда жайгашты
Кыргызстан эмгек акы боюнча дүйнөлүк рейтингинде 132-орунда турат. Мындай маалымат CEOWORLD журналы тарабынан 2025-жылга карата ар кайсы өлкөлөрдөгү жумушчулардын орточо таза кирешелери боюнча маалыматтардын негизинде түзүлгөн рейтингде айтылат.
Жарыяланган маалыматтарга ылайык, 200 өлкөнүн ичинен Кыргызстандагы орточо эмгек акы айына болжол менен 335 долларды түзөт.
КМШ өлкөлөрүндөгү эмгек акылар:
- 32-орун - Россия (болжол менен 2266 доллар);
- 77-орун - Казакстан (болжол менен 780 доллар);
- 80-орун - Түркмөнстан (болжол менен 761 доллар);
- 83-орун - Беларусь (болжол менен 728 доллар);
- 89-орун - Армения (болжол менен 648 доллар);
- 90-орун - Грузия (болжол менен 641 доллар);
- 117-орун - Өзбекстан (болжол менен 458 доллар);
- 132-орун - Кыргызстан (болжол менен 335 доллар);
- 138-орун - Тажикстан (болжол менен 276 доллар).
Швейцария орточо айлык акысы эң жогорку 5 өлкөнүн тизмесинде 8218 доллар менен биринчи орунда турат. Андан кийин:
- Люксембург - 6740 доллар;
- АКШ - 6562 доллар;
- Исландия - 6548 доллар;
- Норвегия - 5772 доллар.
Эң төмөнкү айлык акылар катталган:
- Палестина - болжол менен 104 доллар;
- Лесото - 131 доллар;
- Ангола - 134 доллар;
- Малави - 138 доллар;
- Мали - 141 доллар.
Адистердин айтымында, эмгек акынын деңгээлине экономикалык кирешелер гана эмес, инфляция, жашоо наркы, эмгек рыногунун абалы жана жумуш менен камсыз кылуу түзүмү да таасир этет. Эң жогорку кирешелер каржы, IT, энергетика, өндүрүш жана билим берүү тармактарында байкалган.
