Жайкы даамдар: "Империя" жана "Бухарадагы" суроо-талап жараткан тамактар
Бүгүн биз гастрономия дүйнөсүнө сүңгүп кирип, эмне себептен кээ бир тамактар ысык мезгилде чыныгы хитке айлана турганын талдап көрөбүз.
Баарыбыз курсак тойгузуп гана тим болбостон, ырахат алууну дагы каалайбыз, туурабы? Ошондуктан "Империя" жана "Бухара" ресторандары жайкы менюга ушунчалык кылдаттык менен мамиле жасашат. Бул жерде ар бир тамак жөн гана ингредиенттердин топтому эмес, бүтүндөй бир даамдуу окуя.
"Империя" үмүттү актабай койбойт
Бул ресторан эбак эле өзүн абдан даамдуу нерсени таба ала турган жер катары көрсөтүп койгон. Жайында дагы өзгөчө кубантат.
"Окрошка" – классика
Бала чакта чоң энебиз жасап берген окрошканы эстедиңизби? Бул сергитерлик шорпо жайдын чыныгы символу. "Империяда" окрошкага сый-урмат менен мамиле жасалып, классикалык даамы сакталат. Бул жөн эле майдаланып тууралган жашылча жана колбаса деп ойлойсузбу? Андай эмес! Бул бүтүндөй бир философия.
Эгер тарыхчыларга ишенсек, бул шорпо Волгадагы "бурлактардын" аркасында пайда болгон. Аба ысык, жумуш оор - аларга жөнөкөй, аш болумдуу жана сергитерлик нерсе керек болгон. Анан алар тамактын калдыктарынын үстүнө квас куюу идеясын ойлоп табышкан. Жөнөкөй жана гениалдуу идея! "Империяда" бул тамак ичер замат балалыктын бейкапар күндөрүнө алып бара тургандай даярдалат.
Шпинат менен шаурма: көнүмүш нерсе адаттан тыш болгондо
Шаурма? Ооба, шаурма! Бирок биз көнгөндөй эмес. "Империя" ага шпинат кошуп даярдап, даамын жогорку деңгээлге жеткире алды. Шпинат ага бир аз асылдуулук берет.
Шпинат жөнүндө бир аз айта кетсек: анын мекени Персия, ал жактан дүйнө жүзүнө тараган. Европада ал өзүнүн даамы жана ден соолукка тийгизген пайдасы үчүн жакшы кабыл алынат. Эми элестетип көрүңүз: бул тез жана даамдуу түшкү тамак, ал сизге энергия берет жана ошол эле учурда оорчулук сездирбейт. Бизнес-ланч үчүн идеалдуу: убакыт тар, бирок ошол эле учурда татыктуу бир нерсе жегиңиз келгенде.
Уй эти менен Ашлям-фу: сизге эң керек
Ашлям-фу - Орто Азияда, өзгөчө дунган ашканасынан келип чыккан тамак. Бул тамак кытай жана Борбордук Азиянын кулинардык салттарынын айкалышы болуп саналат. Негизги курамына кесме жана фанза (крахмалдан жасалган кичинекей кубиктер) кирет, алар ачуу шорпо, жашылчалар жана эт менен бирге тартууланат. Бул тамак ысык күндөрдө таза абадан дем алгандай сергитет. Ал эми уй эти аны тоюмдуу түшкү тамакка айландырат.
Куксу: мүнөздүү муздак шорпо
"Империяда" сунушталган Азия ашканасынын дагы бир байлыгы – куксу. Бул муздак шорпо, бирок ушунчалык укмуштуу деп айтса болот. Куксу – Борбор Азия өлкөлөрүндө абдан популярдуу корей тамагы. Ал көбүнчө жука кесме, түрдүү жашылчалар (бадыраң, капуста, түрп), омлет, эт жана өзгөчө ачуу-кычкыл шорпо менен берилет. Бул тамак сергитет, күч берет, ошондуктан ысык күндөр үчүн идеалдуу тандоо болуп саналат. Куксу курсакты тойгузуп гана тим болбостон, энергия менен да камсыздайт.
Таттуу жана кычкыл соустагы кытырак тоок: көпчүлүктүн сүймөнчүлүгү
Таттуу жана кычкыл соустагы кытырак тоок – көпчүлүк сүйүп жеген тамак. Балдар да, чоңдор да аны жакшы көрүшөт.
Эмне үчүн таттуу жана кычкыл соус мынчалык популярдуу? Анткени ал даамдардын бүт палитрасын камтыйт: таттуу, кычкыл жана бир аз ачуу. Кытайдан келген бул соус дүйнөнү багынтууга жетишти. "Империяда" тооктун сырты сонун кытырак, ичи ширелүү болуп даярдалат. Кандай гана учур болбосун, бизнес жолугушууларда же достор менен кечки тамакта мыкты тандоо.
Сизди "Бухарада" эмне күтөт
"Бухара" - чыгыштын кулинардык салттарына сый көрсөтүп, аларга аяр мамиле жасаган жер. Бул жердеги атмосфера сизди Өзбекстандын байыркы базарлары менен жайлуу чайканаларына жетелейт.
Бухаранын торпок эти менен курутобу
"Бухарада" бул тамак өзгөчө сүйүү менен даярдалат, ал сүйүү ар бир тиштегенде байкалып турат. Курутоб деген эмне? Бул - Өзбекстанда абдан популярдуу болгон тажиктердин салттуу тамагы. Анын негизин кургак туздалган быштак, пияз, чөптөр менен жашылчалар, ошондой эле эриген май түзөт. Бирок "Бухарада" берилүүчү торпок эти менен жасалган версиясы тамакты ого бетер даамдуу кылат.
Алат самсасы: сырты кытырак, ичи ширелүү
Самса - чыгыш ашканасынын символдорунун бири экенин талашууга болбойт. "Бухаранын" Алат самсасы - өзүнчө бир даамдуу окуя.
Эмне үчүн Алат самсасы? Алат - Өзбекстандын аймактарынан бири, кулинардык салттары менен белгилүү. Ал жерде самсаны өзгөчө даярдашат. "Бухарада" да бул маселеге олуттуу мамиле жасалып, Алат самсасын ушунчалык популярдуу кылган өзгөчөлүктөрүн сактап келишет. Бул самсалар жеңил түшкү тамак үчүн эң сонун вариант. Чай менен сонун төп келет!
Измир салаты
Акырында Измир салаты жөнүндө сөз кылалы. Бул тамак жайкы жашылчалардын эт, сыр менен мыкты айкалыштырган үлгүсү. "Бухарада" аны чындап хитке айлангандай кылып даярдашат.
Ширелүү уй эти, кытырак бадыраң, помидор жана пармезан... Бул идеалдуу айкалыш! Бул салат жеңил, бирок тоюмдуу жана даамдуу түшкү тамак каалагандар үчүн эң сонун тандоо. Ар бир ингредиент өзүнүн ролун мыкты аткарып, укмуштуудай гармония жаратып турат.
Эгерде сиз убакытты даамдуу жана пайдалуу өткөрө турган жер издеп жатсаңыз же өзүңүздү жана өнөктөштөрүңүздү адаттан тыш тамактар менен кубантууну кааласаңыз, эми кайда барып, эмне жеп көрүү керек экенин билесиз.
