Азиз Суракматов өлкөдөн чыкпоо арызын жазып бошотулду. Ал 150 млн сом төлөдү
Биринчи май райондук соттун чечими менен Бишкектин экс-мэри Азиз Суракматов тергөө менен кызматташып, баш коргоо чарасы өзгөртүлдү. Бул тууралуу УКМК билдирди.
Мындан мурун камакка алуу түрундө тандалган баш коргоо чарасы, өлкөдөн чыкпоо чарасына алмаштырылды.
КР Жазык-процесстик мыйзамына ылайык, Азиз Суракматов тергөө менен кызматташуу жөнүндө келишим түзүп, экс-мэр Бишкек шаарындагы жер тилкелерин мыйзамсыз бөлүштүрүү фактылары боюнча көрсөтмө берди. Ошондой эле келтирилген зыяндын ордун толтуруу үчүн 170 миллион сомдун 150 миллионун кайтарды. Калган чыгымдарды төлөө графиги түзүлдү", - деп айтылат УКМКнын билдирүүсүндө.
Эске салсак, Бишкектин мурдагы мэри Суракматов мыйзамсыз баюу жана коррупцияга айыпталууда. Ал 26-майда суракка чакыртылып, 28-май күнү УКМКнын тергөө абагына эки айга киргизилген болчу. 15-июнда сот аны камакта калтыруу чечимин кабыл алган.
