Бишкекте дүкөндүн сатуучусун сабап салган киши кармалды. Видео
Бишкектеги дүкөндөрдүн биринде сатуучуну белгисиз киши уруп, тээп жаткан видео социалдык тармактарга тараган. Аялга кол көтөргөн жаранга "бейбаштык" менен иш козголгонун Октябрь РИИБден билдиришти.
Такталгандай, 24-апрелде О.Н. аттуу аял арыз менен кайрылып, белгисиз жаранга чара көрүүнү суранган. Ошол эле күнү Бишкек шаарынын 6-кичи районунда жайгашкан дүкөндөрдүн биринде белгисиз адам денесине эч себепсиз залал келтирип, белгисиз тарапка кетип калганын айткан.
Аталган факты боюнча 280-берене (Бейбаштык) менен кылмыш иши козголгон.
Милиция кызматкерлери тарабынан изи сууй электе 1968-жылы туулган Г.А. аттуу жаран кармалып, убактылуу кармоочу жайга киргизилди.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://oper.kaktus.kg/16026
